h1

Þetta er gott

20.11.2009

h1

Sometimes I jog

19.11.2009

Í gær var ótrúlega fallegt veður svo ég tók mér pásu frá Matlab forritun og skokkaði einn stuttan hring í hádeginu. Þetta er liður í átakinu Í kjólin fyrir jólin sem hófst á mánudaginn með eins kílómetra sundsprett í hádeginu.

 

gúúgel jörð hjálpaði mér við þetta

Hringurinn sem sjá má á mynd 1 var hlaupinn á 25:08 min sem gerir ca. 12 km/klst. Kannski ég hendi upp Matlab forriti til að fylgjast með hlaupunum. Djók.

Fór svo til tannlæknis í hádeginu í dag. Tannréttingartannlæknis. Ég hafði ekki farið til hans síðan 2004 og ætti held enn að vera nota helvítis góminn sem ég hef örugglega ekki notað síðan 2004. Þetta leit þó allt ágætlega út sagði hann nema hvað ein tönn hafði færst örlítið. Hann vill því taka járnspelkurnar í efrigóm (já, ég er með svoleiðis) en búa til nýjan góm sem ég get notað bara svona til að tjekka hvort allt sé ekki á sínum stað. Spelkurnar í neðri góm (já, ég er líka með svoleiðis) fæ ég hins vegar að taka með mér í gröfina að hans sögn. Jei. Þessi maður er smámunasamasti tannlæknir á Íslandi er ég viss um og mig minnir að Sverrir hafi tekið undir það með mér, tannlæknaneminn sjálfur.

h1

SAP2000 => Excel => Matlab = hamingja

13.11.2009

axial

Áslægur kraftur í boga

 

Afrakstur dagsins enn sem komið er. Matlab kóði sem tekur inn niðurstöður úr SAP2000 sem hafa verið exportaðar í Excel skrá. Matlab skráin tekur svo við þessum gögnum og flokkar þau á hentugan hátt svo hægt sé að dunda sér með þau. Það er gaman í Matlab þegar vel gengur. En ömurlegt þegar illa gengur.

h1

Baa3

11.11.2009

jei, áfram Ísland!

Við erum semsagt ekki algjört rusl, bara næstum því.

Ég ætla að fara blogga meira. Hérna á Almennu verkfræðistofunni, þar sem ég sit og hamast í lokaverkefninu mínu, er komin afar öflug netsía sem neitar mér um að tjá umheiminum hvernig mér líður (þ.e. lokað á facebook og twitter). Því ætla ég að blogga. Meira um netsíuna, henni finnst Wulffmorgenthaler vera tasteless og því má ég ekki skoða það. Pínu til í því kannski.

Heyrumst

 

h1

hmm, þetta er nú ekkert svo kalt núna

9.9.2009

Sjórinn við strendur Íslands er kaldur. Ég hef sannreynt það tvisvar núna. Fór síðast á mánudaginn með Hauki og syntum við þá tvisvar út að fyrstu bauju (ca 200 m allt í allt). Það var alveg jafn erfitt að koma sér ofaní í seinna skiptið en mér fannst þetta samt ganga betur. Eftir að hafa synt einu sinni út að bauju og tilbaka fórum við upp úr sjónum og hlýjuðum okkur aðeins. Fórum svo útí aftur og þá fannst okkur þetta bara þægilegt. Furðulegt alveg. Tilfinningin þegar sest er ofan í heita pottinn eftir á er líka furðuleg. Held ég hafi aldrei áður fengið gæsahúð af hita.

einn að skella sér í sjóinn

Einn að skella sér í sjóinn

Við stefnum á að stunda þetta eitthvað fram á haust, sjáum hvað við þraukum þetta lengi. Hannes og Bjössi koma vonandi líka næst eftir forföll síðast.

Sjá líka færsluna hans Hauks hér.

h1

Læsir fólk bílnunum sínum í Mjóafirði?

31.7.2009

Ég leyfi mér að efast um það.

Fórum í gær í bíltúr eftir vinnu hjá Guðrúnu Fönn. Keyrðum inn í Fagradal og þaðan yfir Mjóafjarðarheiði inn í Mjóafjörð. Því miður var veðrið ekki upp á sitt besta og heldur skýjað. Engu að síður var mjög gaman að koma þarna og það sem sást mjög fallegt. Ég smellti nokkrum myndum sem sjá má hér.

Í Mjóafirði er smá byggð utarlega í norðanverðum firðinum. Þar er að finna smábátahöfn, kirkju, gistiheimili og kaffistofu ásamt nokkrum húsum. Mér fannst mjög merkilegt að koma þangað. Þetta er eitthvað svo afskekkt, ábyggilega ófært yfir heiðina mestan part veturs.

Við stoppuðum nú ekki lengi, fengum okkur bara smá að borða og leyfðum Tómasi að hreyfa sig aðeins áður en við héldum heim á leið aftur. Vegna þess hve klukkan var orðin margt slepptum við því að kíkja á Dalatanga. Það verður gert seinna í betra veðri.

h1

Hann er ekkert dauður

27.6.2009

Auðvitað er Michael Jackson ekkert dauður. Maðurinn er bara búinn að koma sér í verðskuldað frí frá brjálæði skemmtanaiðnaðarins. Man eftir að hafa fundist blaðamannafundurinn þar sem hann tilkynnti komandi tónleika skrýtinn. Fake. Það reyndist rétt.

Annars var ég svo heppinn að upplifa hann live i Idrætsparken ’92. Fáránlega stór upplifun fyrir 9 ára gutta. Fór með mömmu, Bo og Jasper. Við stóðum frekar aftarlega uppi í stúku með góða yfirsýn og svo tók Bo okkur Jasper til skiptis upp á axlirnar og niður á „gólfið“ nær sviðinu. Sælar minningar.

Eftir tónleikana vildum við strákarnir endilega fá plaggöt með heim. Mamma og Bo klikkuðu á því að vera með nægilegt reiðufé og áttu bara fyrir einu plaggati. Jaspers plaggati. Til að bjarga málum man ég að þau skiptu sólgleraugunum hans Bo fyrir plaggati handa mér. Sólgleraugu sem kostuðu 600 danskar. Dýrt plaggat það. En lágt verð fyrir frið milli stjúpbræðra.

Að lokum gáta fyrir lesendur, pínu nasty gáta sem ég rakst á í gær.

Q: What is the difference between Michael Jackson and Alex Ferguson?